Во петок, 30 септември, во 20 часот на Факултетот за драмски уметности ќе биде промовиран романот на авторката Ана Стојаноска „Јас и Лин, отпосле“, во издание на „Блесок“...
Промоцијата ќе се состои од читање на делови од романот на театарската сцена и прикажување на краток филм снимен за промоцијата.
За разлика од некои промоции каде се говори за делото што се промовира, на оваа самиот роман, преку филмот и читањето, ќе говори за себе.
За своја претходница, промоцијата го имаше и промотивното читање на романот во џез клубот Take Five во Прилеп, во јули оваа година, каде што со помош на музиката од романот, актерите што читаа и гостите во клубот се направи една вечер полна уметности.
„Јас и Лин, отпосле“ е колажен роман, кој се базира на две приказни: љубовната приказна на една млада писателка, од една страна, и дел од романот што самата го пишува, од друга. Клучна одредница на романот е цитатноста, односно воспоставените интертекстуални и интермедијални релации со многубројни песни од современата музика, какои со реплики од познати драмски остварувања.
