На 24 октомври ќе се одржи концерт на Дритон Гаџа (виола), Милитиадис Касарас (чело), Марија Вршкова (пијано) и Илијас Ливератос (виолина)...
Концертот е во организација на Културно-Информативен Центар – Скопје во Парк хотел и спа, во 19.30 часот.
Дритон Гаџа е роден во Скопје, а живее во Германија. Од рана возраст започнува да студира виола. Дипломира и магистрира во Париз и Вирцбург. Добитник е на неколку значајни награди. Соработува со престижни оркестри како соло виолист.
Марија Вршкова е од Битола. Дипломирала на ФМУ-Скопје, каде ги завршува и магистерските студии. Добитник е на повеќе награди. Учествувала на бројни семинари по пијано и камерна музика. Реализирала преку 50 светски премиерни изведби, како и многубројни настапи надвор од земјата.
Милтиадис Касарас е од Грција. Во текот на неговите студии реализира концерти како солист во Грција. Учествува на натпревари и се здобива со награди. Од 2013 г. е уметнички директор во конзерваториумот Воден (Едеса) и уметнички директор на „Музичкиот пролетен фестивал“ Воден (Едеса).
Илијас Ливиератос е роден во Атина, каде почнува да свири од рана возраст виолина. Магистерски студии посетувал кај значајни имиња од грчката музичка уметност. Тој е камерен музичар и член на „Armosis“, гудачки квартет и е член на Националната грчка опера.
