Годинава за првпат во Македонија во периодот од 25 дом 29 октомври се одржа проектот SNOWE 3, Жените во филмот – програма за креативно поврзување...
Програмата SNOWE 3 е поддржана од Шведскиот институт, и целта на истата е да ги поддржи жените автори во светот кои работат во филмската индустрија како и преку проектот да овозможи нивно поврзување.
Преставниците од SNOWE, Јелена Мила, Аста Рантанен и Јана Ѓоргинска од Амбасадата на Кралството Шведска во Македонија одржаа средба во Агенцијата за филм на Република Македонија со директорката м-р Мими Ѓоргоска Илиевска на која се разговараше за активностите планирани согласно Агендата.
SNOWE 3 во Македонија се реализира во соработка со Агенцијата за филм, на иницијатива на продуцентката Лабина Митевска и режисерката Марија Џиџева кои беа гостинки-претставнички од Македонија на претходното издание на овој проект односно SNOWE 2, кое се реализираше во Стокхолм, Шведска.
