Цоцев Камен ќе биде прогласен за софистицирана праисториска мегалитска опсерваторија

Светската академија за карпеста уметност денеска ќе го промовира завршениот проект посветен на мегалитите во Македонија и ќе информира за прогласувањето на локалитетот Цоцев Камен за софистицирана праисториска Мегалитска опсерваторија од страна на Националниот центар за научни истражувања во Франција.

На настанот ќе зборува Душко Алексовски, претседател на Македонскиот центар за карпеста уметност и основач на Светската академија за карпеста уметност, кој е пензиониран универзитетски професор по палеолингвистика на универзитетот „Гоце Делчев“ во Штип.