Во Градската библиотека „Браќа Миладиновци“- Скопје ќе се одржи промоција на книгата „Светлините на Света Гора“ од Иван Џепароски, добитник на наградата „Браќа Миладиновци“ на Струшките вечери на поезијата за 2016 година...
Настанот ќе се одржи на 16 ноември (среда) 2016 година, со почеток во 12.00 часот, во спомен - собата на Миладиновци во Библиотеката.
За наградената книга ќе зборува проф. д-р Ристо Солунчев, стихови ќе кажува актерот Ѓорѓи Јолевски а свој настап ќе има и македонскиот машки духовен хор „Хармосини“.
Иван Џепароски е филозоф, поет и преведувач. Дипломирал на Филозофскиот факултет во Скопје каде што магистрирал и докторирал. Автор е на пет поетски книги, на четри поетски антологии и теориско - есеистички избори, како и на четиринаесет книги од областа на филозофијата, естетиката и теорија на културата.
Добитник е на повеќе награди а неговата поезија и делови од неговото творештво се преведени на петнасетина јазици во светот.
