Почнува седмиот „Мобил фестивал“

Во Кинотеката на Македонија вечерва, 26 ноември, ќе биде отворен седмиот фестивал за снимање краток филм со мобилен телефон „Мобил фестивал“, кој го организира продуцентската и дистрибутерска куќа „КТ филм и Медиа“ од Битола.

Филмовите се од македонски, но и од автори од соседни земји. Најдобриот филм што ќе го избере тричлено жири ќе ја добие наградата „Ратка Илиева-Лале“, која се состои во стипендија од Универзитетот за аудиовизуелни уметности-ЕСРА. Ќе бидат доделени и награди за оригинална идеја, најиновативен филм и приказна.