Министерството за култура и Агенцијата за филм, во Центарот за дизајн и иновации Јавна соба – Скопје, денеска, 1 декември, организираат презентација на двете потпрограми на „Креативна Европа“, „Култура“ и „МЕДИА“...
Гости на настанот, соопшти Министерството за култура, ќе бидат претставниците на Канцеларијата на Креативна Европа – Култура од Кралството Холандија, Клартје Булт и Максим Зеф, д-р Елица Стоилова од Пловдивскиот Универзитет и Камен Балкански од Канцеларијата на Креативна Европа – МЕДИА од Бугарија.
Во рамки на работната сесија посветена на потпрограмата „Култура“ ќе бидат претставени: холандското искуство со потпрограмата „Култура“, категоријата „Платформи“ и успешни проекти (категории: „Платформи“ и „Проекти за соработка“). Канцеларијата за Креативна Европа – потпрограма МЕДИА на Република Македонија во соработка со Канцеларијата на Креативна Европа – МЕДИА од Бугарија ќе одржи дебата на тема „Креативна Европа МЕДИА – Можности и предизвици“.
