„Три дена во септември“ на режисерот Даријан Пејовски ја доби наградата за најдобар филм на филмскиот фестивал SEE à Berlin кој се одржа како дел од 6-от SEEFF...
„Три дена во септември“ на режисерот Даријан Пејовски ја доби наградата за најдобар филм на филмскиот фестивал SEE à Berlin кој се одржа како дел од 6-от SEEFF, кој оваа година се одржува во три града: Берлин - Германија од 26 - 29 мај, Париз - Франција од 1 - 5 јуни и Нингбо - Кина од 8 - 15 јуни 2016 година.
Овој фестивал е платформа за соработка на земјите од Југоисточна Европа. Продуцентски куќи од петнаесетина земји од Југоисточна Европа се претставуваат со свои филмски проекти, со фокус на регионот од каде доаѓаат и во кој идеалите на кои се заснова Европа постојано се преиспитуваат и дискутираат. Режисерите преку своите филмски дела ја рефлектираат состојбата во својата земја, како и секојдневието во кое живеат граѓаните.
Главната награди ја доделува Меѓународно жири составено од филмски професионалци. Покрај тоа награди доделува и Меѓународно жири составено од млади лице од различни професии. Ова жири, за „Три дена во септември“ ги додели наградата за најдобра режија на Даријан Пејовски и наградата за најдобра женска улога на Камка Тоциновски која ја толкува улогата на Марика.
„Три дена во септември“ ќе биде прикажан и во Париз на 3 јуни во Тheatre Le Palace.
