Центарот за култура „Марко Цепенков“ Прилеп во соработка со Друштвото на ликовни уметници на Македонија (ДЛУМ) ја организираат изложба „Мал формат“ што ќе биде отворена во петок 10 март, во 19.00 часот во галеријата „Борко Лазески“...
Посетителите ќе имаат можност да видат дела од 50 автори изработени во „Мал формат“, а меѓу изложените ќе бидат и наградените творби од областа на сликарството, графиката и скулптурата.
„Малиот формат“ како творечки предизвик претставува честа дневна практика на ликовните уметници.
- Магијата на „малиот квадрат“ во површина 25х25цм претставува искушение и за најголемите мајстори на визуелната уметност. Чувството на внатрешниот порив да го совлада малиот квадрат, на концизен, лапидарен, понекогаш метафоричен и езоповски начин да го транспонираат собитието и мотивот од големите форми во помалата мерка – велат од ДЛУМ.
