Културно-Информативен Центар – Скопје организира концерт на млади пијанисти со налов „Ден на пијаното“ кој ќе се одржи денеска, 28 март,во Салон 19:19, со почеток во 18:30 часот...
Ден на пијаното е настан кој се одржува еднаш годишно, 88-от ден во годината, затоа што тоа е бројот на дирките на пијаното.
Целта на овој ден е да се споделува вековната радост од свирење на пијано, како и да се создава платформа за настани кои можат да се поврзат со пијаното, со цел славењето на пијаното да биде еден од најрадосните празници.
Оваа година Денот на пијаното ќе се прослави со нашите мали и надежни пијанисти и со инспиративните цртежи на децата од ОУ „Коле Неделковски“, ООУ „Лазо Ангеловски“, ОУ „Димитар Миладинов“, како и на децата кои настапуваат на концертот.
