Се создава фонд за борба против лажни вести

Фејсбук и Мозила се меѓу компаниите и организациите кои формираат фонд од 14 милиони долари за насочување на новинарската писменост и зголемена доверба во новинарството.

Фондот „Иницијатива за објективност во вестите“ (News Integrity Initiative) ќе биде со седиште во Градскиот универзитет во Њујорк. Ќе дејствува како независен проект на Институтот за новинарство при Универзитетот.

Меѓу учесниците во иницијативата се и основачот на „Крејгслист“, Крејг Њумарк и фондацијата „Форд“.

Дезинформациите и лажните вести почнаа да привлекуваат многу внимание по претседателските избори во САД минатата година.