„Реквием за љубовта“ е драма во стихови – нова книга на писателот Зоран Пејковски, во издание на „Дијалог“ од Скопје...
Според рецензентот Јордан Плевнеш, „Реквием за љубовта“ е потресна трансверзала меѓу две точки на планетата Земја – Израел и Македонија, а рецензентот Димитар Пандев пишува дека Пејковски во драмскиот текст „постигнал натуралистичка проекција на стварноста преку певот на поетизираниот исказ, преку преточување на драмското дејство на идеално поетско-драмско меѓурамниште“.
Битолчанецот Зоран Пејковски е единствениот натуралист во македонската литература. Тој е драмски писател, поет, прозаист, преведувач и публицист. Автор е на повеќе драмски, прозни и поетски остварувања.
Пејковски е преведуван на повеќе странски јазици, а негови претстави се играле и надвор од Република Македонија. Членува во Друштвото на писатели на Македонија, Македонското научно друштво од Битола и е претседател на Друштвото на писатели „Битолски книжевен круг“.
