Од денеска, 19 јуни, на отворената сцена во спортскиот центар „Ново Лисиче“ со претставата „Лажговци во неволја“ почнува Меѓународниот фестивал на комедијата „Гола месечина“...
Претставата „Лажговци во неволја“ од Ентони Нилсон е во режија на Здравко Митков и во продукција на Сатиричниот театар „Алеко Константинов“ од Софија, Република Бугарија.
За време на фестивалот ќе бидат изведени седум претстави од Македонија и странство.
Фестивалот има натпреварувачки карактер и ќе бидат доделени четири парични награди за најдобра режија, најдобра машка и женска улога и гран при за најдобра претстава. За наградите ќе одлучува тричлена жири комисија.
Сите претстави почнуваат во 21 часот, а влезот е бесплатен.
Годинава, фестивалот се одржува по четврти пат со што прерасна во традиционална манифестација.
Фестивалот го организира Театар Комедија со финансиска поддршка од Општина Аеродром и Министерството за култура.
