Музичката младина на Македонија (МММ) во рамки на фестивалот „Скопско лето“ вечер, 9 јули, од 20.30 часот во Музеј на Град Скопје организира концерт на учесниците на семинарот на Ана и Олег Кондратенко.
Почнувајќи од 2009 година МММ во континуитет го одржува возобновениот семинар по виолина за учесници од различна возраст од земјава и од странство, кој го раководат познатите педагози и музичари Ана и Олег Кондратенко.
- Во оваа сесија на мајсторската виолинистичка школа, која до пред неколку години се одржуваше во Охрид, а сега во Скопје, учествуваат можеби најдобрите млади виолинисти од нашава земја, коишто перманентно изучуваат нови програми и ги презентираат не само на концертот на „Скопско лето“, туку и на концерти во македонија и во странство, соопшти МММ.
На филмската програма „Кафе кино“ во Сули ан - ФЛУ, пак, вечер е најавена проекција на британската драма „Локи“ од 2013 година, по сценарио и режија на Стивен Најт и со Том Харди во главната улога.
