На Рудина заврши 43-тото издание на Фестивалот на народни инструменти и песни „Пеце Атанасовски“...
Гран-при наградата му е доделена на Фолклорниот ансамбл „Бели мугри“ од Кочани, а добитник на гајдата на Пеце Атанасовски, што ја доделува општината Долнени, е гајдаџијата Стојче Трајанов од село Чешиново.
Одлуката ја донесе жири во состав: Захаринка Милосављевиќ, Родна Величковска и Илчо Јованов.
Статуетки добија градоначалникот на Долнени Боше Милошески - за посебен придонес за развој на Фестивалот и за изградбата на амфитеатарот на Рудина, потоа Советот на општина Долнени, како и КУД „Панче Пешев“ од Куманово, Салих Шабани од КУД „Беса“ од Гостивар, Абдула Тахиров од КУД „Бахар“ од село Чалакли, Валандово, и Бранко Жежоски од ансамблот „Гоце Делчев“ од Битола.
На годинашниот Фестивал учествуваа околу 350 изведувачи. Се одржа и Семинарот за изучување народни инструменти и песни, а Рудина кај Долнени, каде се одржаа двата натпреварувачки дена, годинава доби амфитератар.
