Oд крајот на август до почетокот на октомври 2017 година (или до исцрпување на средствата) Министерството за култура ќе ја реализира манифестацијата „Нов културен бран“ ...
Наместо „Топол културен бран“, кога општините се јавуваа како единствени организатори и апликанти на конкурсот на манифестацијата, интенцијата е да се поттикне и активира независната културна сцена, а за остварување на ваквите заложби, право за учество и конкурирање со проекти за манифестацијата ќе имаат здруженија на граѓани, асоцијации, фондации и поединци од областа на културата кои треба да имаат квалитетна, естетизирано профилирана и вредносно издржана понуда.
Идејата е да се поттикне значењето на граѓанскиот сектор преку делувањето на невладините организации, здруженија и асоцијации од областа на културата, за кои се смета дека можат да внесат „посвежи“ идеи и поиновативни пристапи во креирањето на културната понуда, во пософистициран и естетизиран пристап во конципирањето на проекти кои се во слух со времето. Отстапувањето „простор“ за нив ќе ја покаже желбата и отвореноста за поинаков, слободен пристап до создавањето и презентирањето на културниот и уметничкиот „продукт“, а можноста за паралелни случувања ќе ја надополнуваат официјалната, институционална форма на делување, велат од Министерството за култура.
Огласот можете на го симнете најдолу на линкот, ТУКА.
