На Конкурсот на фестивалот Струшки вечери на поезијата за најдобра поетска книга на македонски јазик објавена помеѓу две фестивалски изданија пристиганле 38 книги од 37 автори, а во потесен избор со одлука на жирито се влезени пет наслови.
Како што информира СВП, тоа се стихозбирките: „Со слободна рака“ од Јовица Ивановски; „Напишана тишина“ од Јосип Коцев; „Внатрешни планини“ од Владимир Мартиновски; „Јас. Елегии“ од Михаил Ренџов и „Жива вода“ од Наташа Сарџоска.
Добитникот на најпрестижното годишно национално признание за поезија во Македонија ќе биде соопштен на прес-конференција на жирито, која ќе се одржи на 25 август 2017 за време на 56-тото издание на фестивалот во Струга.
- Оваа година СВП за половина го зголеми фондот на најпрестижната книжевна награда за творештво на македонски јазик, а како дел од неа е и превод на книгата на добитникот на еден странски јазик, соопшти НУ СВП, додавајќи и дека составот на жирито останува таен до донесувањето на конечната одлука.
Како и во изминатите неколку години, во посебна програмска содржина на претстојниот фестивал ќе бидат претставени поетите чии книги влегле во потесниот избор од пет книги, на ден пред официјалното соопштување на добитникот.
