Целта на работилницата е развивање на креативното мислење и интелектуалното развивање на младите лица од средните училишта, студентите и на оние кои имаат афинитет кон пишаниот збор и креативното изразување.
ЈУ Дом на култура „Кочо Рацин“- Скопје под покровителство на Град Скопје објавува Конкурс за учесници на книжевно-поетска работилница „Есенски креативен мозаик“ .
Право на учество имаат лицата (до 35 години) кои ќе имаат можност да научат практично да ги пишуваат најрепрезентативните книжевни жанри од: поезија, проза и драма.
Модератор и организатор на работилницата: м-р Марина Мијаковска
Работилницата ќе ја водат писателите: м-р Марина Мијаковска, д-р Славчо Ковилоски и Стефан Марковски
За работилницата се предвидени четири термини (во сабота), во месец октомври 2017 година.
Работилницата вклучува креативни вежби, практично креативно изразување, дискусии, дебати и евалуација на резултатите од креативниот труд. Најдобрите творби на учесниците ќе бидат објавени во Алманах за кој е предвидена и промоција.
Место на одржување: Објект Дом на градежниците во Скопје
Рок за пријавување: 29 септември 2017
Заинтересираните кандидати (со име, презиме, број на телефон) може да се пријават на следниов контакт: hristovskaj@yahoo.com
