Здружението „Диван“ со цел афирмација на писателите кои создаваат на босански јазик во Република Македонија и оваа година го спроведе проектот „Подари книга – награди знаење“...
Книгите кои им се доделија на децата се од реномираните бошњачки писатели од Македонија: Ферид Мухиќ, Ферхан Кочан, Авдулах Рамчиловиќ, Аго Хаурдиќ, Шефкија Боранчиќ, Суада Ајдарпашиќ, Ариф Богуќанин Беко, Алија Авдовиќ и Сеад Балтиќ.
„Задоволен сум што и оваа година успеавме да обезбедиме награди за одличните ученици, а на нивно големо задоволство, како и на родителите и секако училиштата, кои за жал тешко успеваат да обезбедат награди за одличните ученици. Освен минатогодишните автори, оваа година акцијата ја подржаа и Суада Ајдарпашиќ, и пред се академикот Ферид Мухиќ, кој подари голем број на книги од својот широк книжевен опус.“ – истакна координаторот на проектот доц. д-р Зеќир Рамчиловиќ.
Пистелите кои ги подарија кнгите истакнаа дека тоа го прават со особено задоволство бидејќи нивните книги одат во рацете на успешните ученици кои ќе знаат да ја искористат моќта на книгата која е голем извор на знаење.
