„Народниот мудрец мегу басните“ е трета премиерна престава на Центарот за култура во оваа календарска година и ќе биде дел од репертоарот во наредните десетина дена...
На сцената на Националната установа центар за култура „Бели мугри“ во Кочани синоќа, 22 ноември, премиерно беше изведена претставата „Народниот мудрец меѓу басните“ во драмататизација и адаптација на неколку народни приказни од страна на Силвана Јаневска, која е и режисер на претставата.
Учествуваа членовите на Драмското студио при Центарот за култура од Кочани, чија изведба беше добро прифатена од публиката.
– За добриот прием кај публиката посебен впечаток остави драмската игра на нашите актери кои преставата ја подготвуваа два месеца. Впечаток остави и сценографијата изработена од Венцо Димитров, музиката на Дарко Стојчев и секако маските и костимите кои ги изработија вработените во центарот. Ова беше колективна претстава производ на сите вработени, истакна по преставата Кристина Атанасова Арсова, директорка на Центарот во Кочани.
„Народниот мудрец мегу басните“ е трета премиерна престава на Центарот за култура во оваа календарска година и ќе биде дел од репертоарот во наредните десетина дена. Преставата е финансиски поддржана од Министерството за култура на Република Македонија со Програмата за култура за оваа година.
