Продавница АПоТЕКА во Младинскиот културен центар

Модерно опремената продавница каде што ќе може да се купат предмети од културата и уметноста се простира на околу 50 квадратни метри и се наоѓа веднаш до инфопултот на влезот во МКЦ.

– Во АПоТЕКА ќе се снабдите и наимате со сè што нема да го пронајдете во „светилиштата“, популарните „молови“: плоча, диск, книга, ракотворба, велосипед, облека… Или: сите намирници од уметноста и културата неопходни за „преживување“, без рецепти. Своја нова адреса ќе најде и легендарната скопска продавница за плочи Maximum Rock’n’Roll, информира МКЦ.