Во новиот број на бугарското електронско списание „Светлина“ (Сияние) објавени се стихови од македонските автори Љубинка Донева, Петко Шипинкаровски и Тоде Илиевски...
Списанието го уредува Марија Герасова-Спасова, независен новинар од Пловдив, а претставувањето и изборот од поетското творештво на Донева, Шипинкаровски и Илиевски го направи бугарската поетеса Латинка Златна алијас Алтенка Сапунџиева од Ловеч, Бугарија.
Латинка Златна е составувач и преведувач и на петојазичната антологија „Гласови на Балканот“, објавена во 2016 година, каде се застапени поети од Македонија, Србија, Босна и Херцеговина и Хрватска, како и на Алманах на современата македонска поезија – избор од творештвото на македонските поети Борче Панов, Васил Тоциновски, Зоран Јакимоски, Љубинка Донева, Марина Мијаковска, Марта Марковска, Петко Шипинкароски, Ристо Јачев, Славчо Ковилоски, Стела Босилковска, Тоде Илиевски и Христо Петрески.
