Со проглсување на најдобрите претстави и поединци вечерва, 3 јуни, ќе заврши годинашниот Драмски аматерски фестивал на Македонија...
На фестивалот настапија аматерски драмски групи од Кичево,Охрид и Битола. Членовите на Аматерскиот театар при Центарот за култура од Кичево ја изведоа претставата „Големи и мали“ од Бошко Смаќоски во режија на Михајло Петревски, Драмската група „Аматер“ од Охрид се престави со текстот на Дејан Дуковски „Буре барут“ во режија на Јован Цветковски, додека Младинската сцена при Интимниот театар од Битола ја прикажа преставата „Дисфункција“ на текст од Ана Жежовска, а во режија на Димитар Шутевски.
Во рамките на придружните манифестации на 53-от ДАФ во Кочани синоќа се одржа драмско-музички перформанс под наслов „Историска хронологија на Мите Грозданов“, во чест на плодната и успешна актерска и режисерска работа на Грозданов, кој годинава одбележува 60 години успешна работа во драмскиот аматеризам и 50 години професионална актерска игра.
Вечер на последниот ден од фестивалот ќе бидат соопштени наградите за најуспешна претстава во целина, режисер, машка и женска улога.
Во чест на наградените вечерва ќе се одржи ликовен перформанс на Сергеј Андреевски и музички хепенинг под наслов „Ние(запирка другарите)“.
